МОНГОЛЫН БАРИСТАГИЙН ХОЛБООНЫ ГИШҮҮНЧЛЭЛИЙН ТУХАЙ

Монголын Баристагийн Холбоо (МБХ) нь гишүүнчлэлийн нээлттэй бодлогыг баримтлан ажилладаг. МБХ-ны үнэт зүйлс, зарчим, бодлого, стратеги, дүрмийг хүлээн зөвшөөрсөн; Кофе бэлтгэх хүсэл сонирхолтой; Кофе бэлтгэх урлагийг тодорхой шатанд хөгжүүлэх хүсэлтэй; Кофег ойлгож мэдэрдэг; Кофены соёлыг түгээх зорилготой хувь хүн, бүлэг, хамт олон, байгууллага нь холбоонд сайн дурын хүсэлтээр гишүүнээр элсэнэ.

Гишүүнчлэл нь дараах хэлбэртэй байна. Үүнд:

1. Энгийн гишүүн- Хувь хүн (Бариста, шингэн хүнсний салбарт ажилладаг болон кофе уух, бэлтгэх сонирхолтой хувь хүн)
2. Энгийн гишүүн- Байгууллага (Кофе шопууд, шингэн хүнсний салбарт ажилладаг ААН, Байгууллагууд)
3. Дэмжигч гишүүн- (МБХ-ны гишүүнчлэлийн үйл ажиллагааг дэмжих болон зохион байгуулагдах үйл ажиллагаанд санхүү болон бусад төрлөөр дэмжин оролцох хувь хүн, байгууллага)
4. Хүндэт гишүүн (Салбарын урт хугацааны туршлагатай, салбарыг хөгжүүлэх, өөрийн туршлагаа бусдад хуваалцах хүсэлтэй хувь хүн)

Гишүүнчлэл нь нэг жилийн хугацаанд хүчинтэй байх ба дараах хураамжтай байна. Үүнд:

1. Энгийн гишүүн (Хувь хүн) - 150.000 төгрөг
2. Энгийн гишүүн (Байгууллага) – 500.000 төгрөг
3. Дэмжигч гишүүн – 2.000.000 төгрөг
4. Хүндэт гишүүн- үнэгүй

МБХ-ны гишүүд дараах эрхийг эдэлнэ. Үүнд:

1. МБХ-ноос зохион байгуулж буй үйл ажиллагаанд гишүүнчлэлийн төрлийн хүрээнд нээлттэй оролцох
2. МБХ-ны Удирдах зөвлөлд болон салбарын Тэргүүлэгч гишүүнд сонгох, сонгогдох
3. МБХ-ны тухай мэдээлэл авах
4. МБХ-ноос зохион байгуулж буй үйл ажиллагаан гишүүнчлэлийн төрлийн хүрээнд нээлттэй оролцох
5. МБХ-ны гишүүнчлэлийн үйл ажиллагаа, бодлого, шийдвэрийн хэрэгжилтэнд санал бодлоо чөлөөтэй илэрхийлэх, тусгах
6. МБХ-ны гишүүнчлэлээс өөрөө гарах

МБХ-ны гишүүд дараах үүрэгтэй. Үүнд:

1. МБХ-ны үнэт зүйл, зарчим, дүрэм, бодлого, стратегийг хүлээн зөвшөөрөх
2. Кофе, шингэн хүнсийг сонирхон хөгжлийг дэмжихэд шаардлагатай мэдлэг, чадавхиа дээшлүүлэхийн тулд шаардлагатай мэдээллээр өөрийгөө хангах
3. Гишүүд МБХ-ны дүрмийг сахин биелүүлж, Удирдах зөвлөл болон салбарын тэргүүлэгчдийн шийдвэрийг дагаж мөрдөх, МБХ-ны стратеги, бодлого, шийдвэрийг хэрэгжүүлэхэд идэвх санаачилгатай оролцох
4. МБХ-ноос зохион байгуулж буй бүхий л үйл ажиллагаанд идэвхитэй оролцох
5. Кофены МБХ-ны эсрэг сурталчилгаа явуулах, бусадтай тохиролцох, үгсэн хуивалдах зэрэг ямар нэгэн байдлаар нэр хүндэд нь халдаж, дарамт шахалт үзүүлэхгүй байх
6. Гишүүн нь холбоонд хураамж төлөх үүрэгтэй
   1. Гишүүний хураамжийг гишүүнээр бүртгүүлсэн өдрөөс хойш нэг жилийн хугацаанд тооцох ба бүртгүүлсэн өдрөөс хойш ажлын 3 хоногт МБХ-ны гишүүний хураамжийн дансанд шилжүүлсэн байх үүрэгтэй.
   2. Дэмжигч гишүүн нь хураамжийг улирал бүрээр хуваан төлж болно.
7. Хүндэтгэн үзэх шалтгааны улмаас гишүүнийг тодорхой хугацаанд хураамжаас чөлөөлөх буюу хөнгөлөлт үзүүлэх шийдвэрийг МБХ-ны ерөнхийлөгч гаргаж болно
8. Гишүүн нь гишүүний хураамжаас гадна сайн дураар хандив, мөнгөн дэмжлэг үзүүлж болно.
9. МБХ-ны гишүүнээс өөрийн хүсэлтээр гарч, чөлөөлөгдөж байгаа гишүүнд түүний өмнө нь төлсөн гишүүний хураамж, хандивыг буцаан олгохгүй.

МБХ-ны гишүүнээс чөлөөлөлт

1. МБХ-ны гишүүнээс сайн дураараа өөрийн хүсэлтээр гарч болно.
2. МБХ-ны гишүүнээс чөлөөлөх хүсэлтээ МБХ-ны ерөнхийлөгчид бичгээр гаргана. Бичгээр хүсэлт гаргасан тохиолдолд гишүүнээс чөлөөлөгдсөнд тооцох бөгөөд МБХ-ны эрх барих, удирдах бүтцэд өөрийн төлөөлөлтэй байх болон бусад эрх, үүрэг дуусгавар болно.
3. МБХ-ны гишүүнээс дараах тохиолдолд шууд чөлөөлнө.
   1. МБХ-ны нийтлэг эрх ашиг, эв нэгдэлд харш, нэр хүндийг гутаахад чиглэсэн үйл ажиллагаа санаатай явуулсан, дэмжсэн, энэ төрлийн үйл ажиллагаанд оролцсон
   2. МБХ-ны нэрийг ашиглан хууль бус үйлдэл хийсэн нь тогтоогдсон
   3. Удирдах зөвлөлийн зөвшөөрөлгүйгээр МБХ-ны нэрийн өмнөөс мэдэгдэл хийсэн
   4. Хүндэтгэн үзэх шалтгаангүйгээр гишүүнчлэлийн хураамжаа нэг жилээс дээш хугацаагаар төлөөгүй
   5. Гишүүний татвараа дараа жилийн эхний сарын 10-ны дотор бүрэн төлөөгүй гишүүнд

МБХ-НЫ 2022-2023 ОНД ГИШҮҮНЧЛЭЛИЙН ХҮРЭЭНД ЗОХИОН БАЙГУУЛАХ ХӨТӨЛБӨР

Холбоо нь гишүүдийн дунд дараах үйл ажиллагааг зохион байгуулна.